لیو ل پلیئنگ فیلڈ ہمارا حق ہے ،مانگتے رہیں گے ،مہربانوقریشی

ملتان : مہر بانو قریشی نے ملتان میں جلسے سے خطاب کر تے ہو ئے کہا کہ پی ٹی آئی امیدواروں کے ساتھ زیادتی کی جارہی ہے ۔ 

انہوں نے کہا کہ ہمارے خاندان میں تمام عورتیں پردہ کرتی ہیں کبھی اس قسم کے حالات الیکشن میں دیکھنے کو نہیں ملے کہ عورتوں کو باہر نکل کر الیکشن لڑنا پڑے ۔ 

انہوں نے کہا کہ عوام ہم سے اور ہم عوام سے ہیں ، انہوں نے کہا کہ عوام اچھے لیڈر اور لیڈر عوام کے بغیر کسی کام کا نہیں ہو تا ۔ 

انہوں نے کہا کہ ہم حکومت سے کسی قسم کا ناجائز مطالبہ نہیں کر رہے صرف ان سے اپنا حق  مانگ رہے ہیں انہوں نے کہا کہ لیول پلیئنگ فیلڈ ہر امید وار اور پارٹی کا حق ہے ۔ 

مہر بانو قریشی نے کہا کہ اگر عمران خان اور شاہ محمود قریشی کو جیل  سے نکلوانا ہے تو چمٹے اور حقے پر مہر لگانا ہو گی ۔