پی ٹی آئی کے امیدواران بارے معلومات فراہم کرنے والی ویب سائٹ بلاک

پاکستان تحریک انصاف (پی ٹی آئی) کے ترجمان نے کہا ہے کہ پی ٹی آئی کے امیدواران کے انتخابی نشان بارے معلومات فراہم کرنے والی ویب سائٹ بلاک کر دی گئی۔ پی ٹی آئی نے حکام سے وضاحت کا بھی مطالبہ کیا۔ 

Hello @murtazasolangi @umarsaif and @PTAofficialpk , can you explain why PTI’s websites are blocked in Pakistan?

People are still getting symbol information from Imran Khan’s Facebook page so the question is what purpose is this block serving? https://t.co/JAQ3B3FfGd

— PTI (@PTIofficial) January 26, 2024

پی ٹی آئی کے آفیشل ایکس اکاؤنٹ میں پاکستان ٹیلی کمیونیکیشن اتھارٹی (پی ٹی اے)، عبوری وزیر اطلاعات مرتضیٰ سولنگی، اور عبوری وزیر آئی ٹی عمر سیف کے آفیشل ہینڈلز کو ٹیگ کیا گیا۔ پوسٹ میں استفسار کیا گیا کہ کیا آپ بتا سکتے ہیں کہ پاکستان میں پی ٹی آئی کی ویب سائٹس کیوں بلاک ہیں؟ اور ویب سائٹ کو بلاک کرنے کا مقصد پوچھا جبکہ کے عوام بانی چیئرمین پی ٹی آئی عمران خان کے فیس بک پیج سے امیدواروں اور انتخابی نشانات سے متعلق معلومات حاصل کر رہے ہیں۔

واضع رہے کہ پی ٹی آئی نے اپنی ویب سائٹ insaf.pk پر ایک آن لائن پورٹل متعارف کرایا جس میں ایک بیک اپ سائٹ  pticandidates.com شامل ہے تاکہ ووٹرز میں ممکنہ کنفیوژن کو دور کیا جا سکے اور پارٹی امیدواروں سے متعلق معلومات تک رسائی کو آسان بنایا جا سکے۔ پی ٹی آئی نے اپنے امیدواروں کو کئی انتخابی نشانات کے ساتھ آزاد امیدوار نامزد کیا ہے۔