بیٹے سے تنخواہ نہ لینے پر ہماری حکومت گرائی گئی ،نواز شریف

قائد مسلم لیگ ن میاں محمد نواز شریف نے جلسہ سے خطاب کرتے ہوئے کہا کہ ہماری حکومت کو زبردستی ختم کیا گیا ۔ 

انہوں نے کہا کہ ہمارے دور میں روٹی کی قیمت 4 روپے تھی لیکن آج روٹی کی قیمت 20 سے 25 روپے ہے ۔ 

انہوں نے پی ٹی آئی پر تنقید کرتے ہوئے کہا کہ اس ٹولے نے ملک کا بیڑا غرق کر دیا ہے ، انہوں نے کہا کہ انہوں نے ملک کا کیا حال کر دیا ہے اس ملک میں نہ بجلی ہے گیس ہے نہ ہی غریب کی کوئی عزت رہ گئی ہے ۔ 

میاں محمد نواز شریف نے دعوی کرتے ہوئے کہا کہ مسلم لیگ ن کی حکومت آئی تو ملک سے مہنگائی کا خاتمہ کر کے دم لیں گے ، انہوں نے کہا کہ اس وقت ملک میں بجلی مہنگی ، آٹا مہنگا ، روٹی مہنگی غریب کو اس حکومت نے مار کر رکھ دیا ہے ۔ 

انہوں نے کہا کہ میری حکومت کو بیٹے سے تنخواہ نہ لینے کی بنا پر ختم کیا گیا ، انہوں نے کہا کہ اس ٹولے نے ملک کے جسم پر کلہاڑا مارا ہے ۔ 

انہوں نے کہا کہ اس ملک کے نوجوانون کے پاس روز گار نہیں ہے ، نواز شریف نے کہا کہ میں وعدہ کرتا ہوں کہ ملک سے مہنگائی اور بیروز گاری کا جڑ سے خاتمہ کرکے دم لوں گا ۔