اسلامو فوبیا پر قابو پانے کیلئے مسلم ممالک میں یکجہتی ضروری ہے ،صدر مملکت

صدرمملکت  ڈاکٹر عارف علوی نے دنیا میں اسلامو فوبیا کے مسئلے پر قابو پانے کے لئے اسلامی ممالک کے درمیان تعاون میں اضافے کی درخواست کی ہے ۔ 

صدرمملکت  ڈاکٹر عارف علوی نے تاجکستان کے سبکدوش ہونے والے سفیر عصمت اللہ نصرالدین سے آج(جمعہ) اسلام آباد میں الوداعی ملاقات میں کہا کہ اسلامو فوبیا پر قابو پانے کیلئے مسلم مملالک میں باہمی تعاون کو فروغ دینا ہو گا ۔

صدر مملکت عارف علوی نے دور جدید کے تقاضوں سے نمٹنے کے لئے اسلامی تعاون تنظیم کے رکن ممالک پر سائنس و ٹیکنالوجی کے شعبوں میں زیادہ سے زیادہ تعاون بڑھانے کا کہا ۔