ڈونلڈ ٹرمپ کیخلاف ہتک عزت کے مقدمے میں عدالت نے بھاری جرمانے کی سزا سنادی

نیویارک: امریکی سابق صدر ڈونلڈ ٹرمپ کیخلاف ہتک عزت کے مقدمے میں عدالت نے 83 ملین ڈالر ہرجانہ ادا کرنے کا فیصلہ سنا دیا ہے۔

غیر ملکی میڈیا رپورٹس کے مطابق نیویارک کی جیوری نے یہ فیصلہ ہتک عزت کے مقدمے میں سنایا ہے۔

ڈونلڈ ٹرمپ کو لکھاری Jean Carroll کو 83 ملین ڈالر  ادا کرنے ہوں گے جنہیں ٹرمپ نے سرعام جھوٹا کہا تھا اور ان کی توہین کی تھی۔

جین کیرول نے الزام لگایا تھا کہ ڈونلڈ ٹرمپ نے1990 کی دہائی میں ان پر جنسی حملہ کیا تھا، جیوری نے یہ فیصلہ تین گھنٹے سے بھی کم غور وخوض کے بعد سنایا۔

دوسری جانب سابق صدر نے ہتک عزت سے متعلق جیوری کے فیصلے کو مضحکہ خیز قرار دیا ہے ،  ٹرمپ نے ہتک عزت کیس میں جرمانے کے خلاف اپیل کرنے کا اعلان کیا ہے۔