الیکشن کمیشن نے ایس ایم ایس سروس کو حتمی شکل دے دی

الیکشن کمیشن نے کل سے 8300 پر ایس ایم ایس کے ذریعے پولنگ سٹیشنوں کے بارے میں جامع معلومات کی فراہمی کے انتظامات کو حتمی شکل دے دی ہے۔

الیکشن کمیشن کے ترجمان کے مطابق رائے دہندگان آٹھ تین صفرصفر8300 پراپنا قومی شناختی کارڈ نمبر ایس ایم ایس کر کے اپنے پولنگ سٹیشن کا نام اور دیگر متعلقہ تفصیلات معلوم کرسکتے ہیں۔ترجمان نے کہا کہ دو روپے فی ایس ایم ایس سروس چارجز کے ذریعے اس سہولت سے فائدہ اٹھایا جا سکتا ہے۔

یاد رہے کہ الیکشن کمیشن کے حکام نے کہا کہ ووٹرز کو ووٹ ڈالنے کے لئے اپنے ساتھ کمپیوٹرائزڈ قومی شناختی کارڈ پولنگ سٹیشن لے کر آنا چاہئے، زائد المیعاد شناختی کارڈ یا نئے شناختی کارڈ ٹوکن کی رسید پر ووٹ ڈال سکتے ہیں۔