عام انتخابات کیلئے پولنگ اسکیم کی سمری جاری

الیکشن کمیشن نے عام انتخابات کیلئے پولنگ اسکیم کی سمری جاری کر دی ہے۔

الیکشن کمیشن کی جانب سے کہا گیا ہے کہ ملک بھر میں 90 ہزار 675 پولنگ اسٹیشنز قائم کئے گئے ہیں،مردوں کے 25 ہزار 320 اور خواتین کے 23 ہزار 950 پولنگ اسٹیشنز ہوں گے۔ملک بھر میں 41 ہزار 405 مشترکہ پولنگ اسٹیشنز ہوں گے۔

پنجاب میں 50 ہزار 944 پولنگ اسٹیشنز ہوں گے،مردوں کے 14 ہزار 556، خواتین کے 14 ہزار 36 پولنگ اسٹیشنز ہوں گے جبکہ 22 ہزار 352 مشترکہ پولنگ اسٹیشنز ہوں گے۔ سندھ میں مجموعی طور پر 19 ہزار 6 پولنگ اسٹیشن قائم کئے گئے ہیں جن میں مردوں کے 4 ہزار 439، خواتین کے 4 ہزار 308 پولنگ اسٹیشنز ہوں گے جبکہ  10 ہزار 259 مشترکہ پولنگ اسٹیشنز ہوں گے۔

خیبرپختونخوا میں 15 ہزار 697 پولنگ اسٹیشنز ہوں گے جن میں مردوں کے 4 ہزار 814، خواتین کے 4 ہزار 289 پولنگ اسٹیشنز ہوں گے جبکہ 6 ہزار 594 مشترکہ پولنگ اسٹیشنز ہوں گے۔ اسی طرح بلوچستان میں 5 ہزار 28 پولنگ اسٹیشنز قائم کئے جائیں گے، جن میں مردوں کے ایک ہزار 511، خواتین کے 1 ہزار 317 پولنگ اسٹیشنز ہوں گے جبکہ 2 ہزار 200 مشترکہ پولنگ اسٹیشنز ہوں گے۔

الیکشن کمیشن کی جانب سے مزید کہا گیا ہے کہ ملک میں 2 لاکھ 76 ہزار 402 پولنگ بوتھ قائم ہوں گے،مردوں کے ایک لاکھ 47 ہزار 560خواتین کے لیے 1 لاکھ 27 ہزار 842 پولنگ بوتھ ہوں گے۔ پنجاب میں ایک لاکھ 49 ہزار 434،سندھ میں 65 ہزار 5 ،خیبر پختو نخوا میں 47 ہزار 81،بلوچستان میں 14 ہزار 882 پولنگ بوتھ قائم ہوں گے۔