الیکشن کمیشن کا واٹس ایپ ہیلپ لائن کا آغاز

الیکشن کمیشن نے ایک فعال واٹس ایپ ہیلپ لائن کا آغاز کیا ہے جس کے ذریعے شہریوں کو الیکشن سے متعلق اپنی شکایات کے فوری اندرا ج کے لئے ایک پلیٹ فارم فراہم کیا گیاہے۔

واٹس ایپ نمبر0327-5050610 کا مقصد عام انتخابات تک شکایات کے ازالے کیلئے رسائی اور جوابدہی کو بڑھاناہے۔الیکشن کمیشن پہلے ہی الیکشن کی نگرانی اور شکایات مرکز قائم کرچکاہے تاکہ عام انتخابات سے متعلق ووٹرز کی شکایات کا ازالہ ہو۔

اس مرکز میں عوام الیکشن سے متعلق شکایات کے اندراج کیلئے رابطہ کرسکتے ہیں۔اس سینٹر میں ان مسائل کے فوری حل کو یقینی بنانے کیلئے تربیتی عملہ مقررہے۔واٹس ایپ کے علاوہ شکایات ای میل ایڈریس COMPLAINTS@ECP.GOV.PK یا ہیلپ لائن111-327-000 پر بھی درج کرائی جاسکتی ہیں۔کنٹرول سنٹر میں سوشل میڈیا اور الیکٹرانک میڈیا مانیٹرنگ کی سہولت بھی موجودہے۔شکایات فیکس نمبر051-9204403 کے ذریعے بھی ارسال کی جاسکتی ہیں۔