اردن ڈرون حملوں میں 3 امریکی فوجی ہلاک

امریکی صدر بائیڈن کا کہنا ہے کہ اردن کے ڈرون حملے میں ہمارے تین امریکی فوجی بھی مارے گئے۔

شام کی سرحد کے قریب شمال مشرقی اردن میں تعینات امریکی افواج پر بغیر پائلٹ کے ڈرون حملے کے دوران تین امریکی فوجی ہلاک اور "متعدد” دیگر زخمی ہو گئے ، امریکی صدر جو بائیڈن نے کہا کہ حملے کا الزام ایران کے حمایت یافتہ گروپوں پر ہے۔

بائیڈن نے اتوار کو ایک بیان میں کہا کہ ہم ابھی تک اس حملے کے حقائق کو اکٹھا کر رہے ہیں ہم جانتے ہیں کہ یہ شام اور عراق میں سرگرم ایران کے حمایت یافتہ شدت پسند گروپوں نے کیا تھا۔

ان کا کہنا تھا کہ ہم نے جن تین امریکی فوجیوں کو کھو دیا وہ سب سے زیادہ محب وطن تھے اور ان کی حتمی قربانی کو ہماری قوم کبھی فراموش نہیں کرے گی۔

ایران کی جانب سے فوری طور پر کوئی تبصرہ نہیں کیا گیا۔ 7 اکتوبر کو غزہ پر اسرائیل کی جنگ شروع ہونے کے بعد مشرق وسطیٰ میں امریکی فوجیوں کی یہ پہلی ہلاکتیں ہیں۔