پاک ، بحرین کی مشترکہ مشقوں کا افتتاح

پاکستان اور بحرین کی مشترکہ مشقوں البدر آٹھ کا افتتاح پیر کو نیشنل کائونٹر ٹیررزم سینٹر پبی میں ہوا۔

مشقوں میں پاک فوج اور بحرین نیشنل گارڈ کے دستے شریک ہوئے ۔ آئی ایس پی آر کے مطابق یہ پاکستان اور بحرین کی انسداد دہشت گردی کے شعبے میں سالانہ دو طرفہ مشق ہے۔

ڈائریکٹر جنرل ملٹری ٹریننگ افتتاحی تقریب کے مہمان خصوصی تھے۔اس مشق کا مقصد جوائنٹ امپلائمنٹ اور باہمی تعاون کو فروغ دینے کے علاوہ برادر ممالک کے درمیان تاریخی فوجی تعلقات کو بروئے کار لانا ہے۔دونوں ممالک کی افواج ایک دوسرے کی مہارت/تجربے سے فائدہ اٹھانے کے لیے بھرپور حصہ لے رہی ہیں۔