جج صاحب سائفر کیس آئین و قانون سے ہٹ کر چلا رہے ہیں، بیرسٹر گوہر

پاکستان تحریک انصاف کے چیئرمین بیرسٹر گوہر نے کہ اہے کہ جج صاحب سائفر کیس آئین و قانون سے ہٹ کر چلا رہے ہیں،پی ٹی آئی کے کارکنان سے اپیل ہے کہ تحمل کا مظاہرہ کریں، یہ اشتعال دلائیں گے لیکن ہم نے مشتعل نہیں ہونا۔ فوکس الیکشن پر کریں، عدلیہ پر اعتماد ہے، ریلیف ملے گا۔

اسلام آباد ہائیکورٹ کے باہر بیرسٹر گوہر نے صحافیوں سے گفتگو میں کہا کہ خصوصی عدالت کے جج آئین اور قانونی طریقہ کار سے ہٹ کر کیسز کو چلا رہے ہیں، جج صاحب نے اپنی طرف سے سوالات کیے۔

جج صاحب سائفر کیس آئین و قانون سے ہٹ کر چلا رہے ہیں، کارکن تحمل کا مظاہرہ کریں، یہ اشتعال دلائیں گے،مشتعل نہیں ہونا- فوکس الیکشن پر کریں، عدلیہ پر اعتماد ہے، ریلیف ملے گا سزائے بھی دیں، کالعدم ہو جائیگی- @BarristerGohar
pic.twitter.com/7hoZrgmqml

— PTI (@PTIofficial) January 30, 2024

بیرسٹر گوہر نے کہا کہ بنیادی حق سے محرومی پر کیس کا کیا فیصلہ آنا ہے پوری دنیا جانتی ہے۔ سزائے بھی دیں، کالعدم ہو جائیگی، کوئی قانون کو ہاتھ میں نہ لے، ایک کنکری تک بھی نہ پھینکیں

انہوں نے کہا کہ تمام کارکنان تحمل کا مظاہرہ کریں، ہمیں سپریم کورٹ اور ہائیکورٹ پر اعتماد ہے، کوئی بھی فیصلہ ہونے پر کارکنان مشتعل نہ ہوں، کوئی قانون کو ہاتھ میں نہ لے، ایک کنکری تک بھی نہیں پھینکیں۔

بیرسٹر گوہر نے کہا کہ 8 فروری کو سب کا محاسبہ ہوگا، ہمیں عدالتوں سے انصاف ملے گا۔