صحافیوں کو ایف آئی اے انکوائری میں پیش ہونے کی ڈیڈ لائن

اسلام آباد: سپریم کورٹ آف پاکستان میں صحافیوں کو ہراساں کرنے سے متعلق ازخود نوٹس کی سماعت شروع ہوگئی۔

تفصیلات کے مطابق چیف جسٹس پاکستان (سی جے پی) قاضی فائز عیسیٰ کی سربراہی میں 3 رکنی بینچ سماعت کر رہا ہے جس میں جسٹس محمد علی مظہر اور جسٹس مسرت ہلالی شامل ہیں۔

اٹارنی جنرل منصور عثمان اعوان روسٹرم پر آئے۔ چیف جسٹس نے پوچھا کہ کیا آج کوئی درخواست دائر کی ہے؟ صدر پریس ایسوسی ایشن کا کہنا تھا کہ وفاقی تحقیقاتی ادارے (ایف آئی اے) کی جانب سے فہرست فراہم نہ کرنے کی وجہ سے درخواست دائر نہیں کی جاسکی۔

قاضی فائز نے کہا کہ پریکٹس اور طریقہ کار کا قانون بالکل واضح ہے، مسئلہ یہ ہے کہ کوئی اپنا کام کرنے کو تیار نہیں، اسی لیے عدالت نے کوئی حکم جاری نہیں کیا۔