فرانس میں کام کرنے والے پاکستانیوں کی ترسیلات زرمیں اضافہ

اسلام آباد: فرانس میں کام کرنے والے پاکستانیوں کی ترسیلات زرمیں جاری مالی سال کے پہلے چھ ماہ میں سالانہ بنیادوں پراضافہ ریکارڈکیاگیاہے۔

سٹیٹ بینک کی جانب سے جاری کردہ اعدادوشمارکے مطابق مالی سال کے پہلے چھ ماہ میں فرانس میں کام کرنے والے پاکستانیوں نے 240.4 ملین ڈالرکازرمبادلہ ملک ارسال کیا جوگزشتہ مالی سال کی اسی مدت کے مقابلہ میں 10.6 فیصدزیادہ ہے، گزشتہ مالی سال کی اسی مدت میں فرانس میں کام کرنے والے پاکستانیوں نے 217.4 ملین ڈالرکازرمبادلہ ملک ارسال کیاتھا، دسمبرمیں فرانس سے ترسیلات زرکاحجم 42 ملین ڈالر ریکارڈ کیا گیا جو نومبر میں 39.2 ملین ڈالر اور دسمبر 2022 میں 35.8 ملین ڈالر تھا۔

واضح رہے کہ جاری مالی سال کے پہلے چھ ماہ میں سمندرپارپاکستانیوں کی مجموعی ترسیلات زرکاحجم 13.43 ارب ڈالرریکارڈکیاگیاہے، گزشتہ مالی سال کی اسی مدت میں سمندر پار پاکستانیوں کی مجموعی ترسیلات زر کا حجم 14.41 ارب ڈالر ریکارڈ کیا گیا تھا۔