بانی چیئرمین پی ٹی آئی کی نیب کیسز میں جیل ٹرائل کے خلاف درخواستیں مسترد

توشہ خانہ اور 190 ملین پاؤنڈ کیس،اسلام آباد ہائیکورٹ نے بانی چیئرمین پی ٹی آئی کی جیل ٹرائل کے خلاف درخواستیں مسترد کر دیں۔

سابق وزیراعظم عمران خان نے توشہ خانہ اور 190 ملین پاؤنڈ کیس میں جیل ٹرائل کے خلاف اسلام آباد ہائی کورٹ میں درخواستیں دائر کی تھیں کہ یہ مذکورہ کیسز کی سماعتیں جوڈیشل کمپلیکس میں کی جائیں تاہم سابق چیئرمین پی ٹی آئی کی نیب کیسز میں جیل ٹرائل کے خلاف درخواستیں مسترد ہوگئیں۔

اسلام آباد ہائیکورٹ کے ڈویژن بینچ نے محفوظ کیا گیا مختصر فیصلہ سنادیا جبکہ تفصیلی وجوہات تحریری فیصلے میں جاری کی جائیں گی۔

بینچ میں چیف جسٹس عامر فاروق اور جسٹس طارق محمود جہانگیری شامل تھے۔عمران خان نے توشہ خانہ اور 190 ملین پاؤنڈ نیب کیس میں جیل ٹرائل چیلنج کیا تھا۔

واضع رہے کہ یاد رہے سائفر کیس میں ٹرائل کورٹ نے بانی چیئرمین پی ٹی آئی عمران خان اور سابق وزیر خارجہ شاہ محمود قریشی کو 10 10 سال کی قید سنائی ہے۔