امیدوار صوبائی اسمبلی عصمت اللہ خان انتقال کر گئے

کوہاٹ: امیدوار صوبائی اسمبلی عصمت اللہ خان منگل کو کوہاٹ میں انتقال کر گئے۔

عصمت اللہ خان حلقہ پی کے 91 سے عوامی نیشنل پارٹی (اے این پی) کے ٹکٹ پر امیدوار تھے، جو حرکت قلب بند ہونے سے انتقال کر گئے۔

ریٹرننگ آفیسر عرفان اللہ مروت کا کہنا تھا کہ حلقہ پی کے 91 میں امیدوار کی موت کے بعد انتخابی سرگرمیاں ٹھپ ہوگئی ہیں۔

آر او عرفان اللہ نے بتایا کہ حلقے میں انتخابات کرانے یا نہ کرانے کا فیصلہ الیکشن کمیشن آف پاکستان کرے گا۔