شاہین نے رضوان کو ٹیم کی ریڑھ کی ہڈی قرار دیا

لاہور: پاکستان ٹی ٹوئنٹی ٹیم کے کپتان شاہین شاہ آفریدی نے وکٹ کیپر بلے باز محمد رضوان کو ٹیم کی ریڑھ کی ہڈی قرار دے دیا۔

سوشل میڈیا پر مداحوں سے خصوصی گفتگو کے سیشن میں شاہین آفریدی کا کہنا تھا کہ محمد رضوان ایک مختلف قسم کے انسان ہیں، ٹیم میں موجود ہر کوئی انہیں ’پیراڈائزیکل‘ کہتا ہے۔

باؤلر نے کہا کہ رضوان کی وجہ سے ٹیم میں سب لوگ باجماعت نماز ادا کرتے ہیں۔ وہ ٹیم میں سب کے لیے مددگار ہے، ٹیم میں کسی کو کوئی مشورہ چاہیے تو وہ رضوان کے پاس جاتا ہے۔

شاہین نے مزید کہا کہ رضوان کو پاکستان ٹیم کی ریڑھ کی ہڈی کہا جا سکتا ہے۔