عام انتخابات کےپر امن انعقاد کیلئے پنجاب میں فوج تعینات

8 فروری کو ہونے والے عام انتخابات کو پُرامن بنانے الیکشن ڈے کی سیکیورٹی کیلئے لاہور سمیت پنجاب کے مختلف شہروں میں پاک فوج کی دستوں کی تعیناتی کا عمل شروع کر دیا گیا ہے ۔ 

محکمہ داخلہ پنجاب کے مطابق عام انتخابات کے پرامن انعقاد کیلئے پاک فوج کے دستے مختلف شہروں میں پہنچنا شروع ہو گئے ہیں۔

پنجاب صوبائی محکمہ داخلہ کے مطابق لاہور، قصور اور شیخوپورہ میں دستوں کو تعینات کردیا گیا ہے، جبکہ منڈی بہاؤالدین اور چکوال میں کل تک فوج کی نفری پہنچا دی جائے گی ۔ 

محکمہ داخلہ کا کہنا ہے کہ تمام اضلاع کے حکام اس سلسلے میں پاک فوج سے رابطے میں ہیں، امن وامان کی صورتحال کو یقینی بنانا اولین ترجیح ہے، الیکشن کے انتظامات کو مانیٹر کیا جارہا ہے۔

محکمہ داخلہ کا کہنا ہے کہ  جہلم، سرگودھا ، جھنگ ، فیصل آباد ، ملتان اور دیگر اضلاع میں کل فوج کی نفری پہنچ جائے گی۔