رہنما پیپلز پارٹی شیری رحمان کی امیدوار ذوالفقار علی شاہ پر قاتلانہ حملے کی مذمت

 پاکستان پیپلز پارٹی کے پی ایس 46 سے نامزد امیدوار سید ذوالفقارعلی شاہ انتخابی مہم سے واپسی پر این اے 211 کے امیدوارکی رہائش گاہ جا رہے تھے کہ راستے میں نامعلوم افراد کی فائرنگ سے شدید زخمی ہوگئے تھے ، انہیں ابتدائی طبی امداد کے بعد کراچی منتقل کردیا گیا تھا ۔

اس حوالے سے ذوالفقار شاہ کے قریبی ذرائع کا کہنا ہے کہ انکی حالت میں بہتری آرہی ہے ۔ 

پیپلزپارٹی کی رہنما شیری رحمٰن نے کہا کہ پیپلز پارٹی ذوالفقار علی شاہ کی سلامتی کے لیے دعاگو ہے، الیکشن کمیشن اور نگراں صوبائی حکومت فوری کارروائی کرے۔

انہوں نے کہا کہ پیپلز پارٹی واحد جماعت ہے جس کے دفاتر اور امیدواروں پر پورے ملک میں حملے ہو رہے ہیں، اس سے پہلے پنجاب، بلوچستان، خیبر پختونخوا میں بھی ہم پر حملے کیے گئے ہیں۔