عام انتخابات کے پر امن انعقاد کیلئے 6 لاکھ سیکیورٹی اہلکار تعینات

رائے دہندگان کا تحفظ یقینی بنانے کے لئے تقریباً 685000 سکیورٹی اہلکار تعینات کئے گئے ہیں ۔ ان میں پولیس، سول آرمڈ فورسز اور مسلح افواج کے اہلکار شامل ہیں۔ سہ درجہ نظام کے تحت پاک فوج کے جوان پولنگ سٹیشنز کے باہر اپنے فرائض انجام دیں گے۔

اسلام آباد پولیس کے6500  ، فرنٹیر کور کے ایک ہزار، رینجرز کے پندرہ سو اہلکار اور پاک فوج کے جوان الیکشن کے دوران اپنے فرائض انجام دیں گے ، سیف سٹی میں انتخابات کےلئے مرکزی کنٹرول روم قائم کیا گیاہے۔

  الیکشن کمیشن نے پولنگ کےلئے تمام انتظامات مکمل کرلئے ہیں اور چھبیس کروڑ بیلٹ پیپرز کی ترسیل مکمل کرلی گئی ہے۔

وفاقی دارالحکومت میں پولیس اہلکار پولنگ سٹیشنز پر پہنچ گئے ہیں اور وہاں رات بھر قیام کریں گے۔ کسی کے قیام کیلئے کام نہیں کی جا سکتا تھا تو انہیں کہنا ہی نہیں پاکستان کو اپنے مقاصد میں استعمال نہیں کیا ۔

 ملک بھر میں الیکشن کمیشن کی درخواست پر کوئیک رسپانس فورس کے106942 اہلکار تعینات کئے گئے ہیں اس کے علاوہ 23940 سکیورٹی اہلکار مستقل طور پر الیکشن کے دوران ڈیوٹی سرانجام دیں گے۔

پاک فوج اور سول آرمڈ فورسز کے مجموعی طور پر 130882 اہلکار الیکشن ڈیوٹی پر مامور ہوں گے ۔الیکشن کے پرامن انعقاد کیلئے ملک بھر میں پولیس کے 465736 مجموعی طور پر اہلکار تعینات ہونگے ۔

پنجاب میں الیکشن کے پرامن انعقاد کیلئے پولیس کے 216000 اہلکار تعینات ہونگے۔ صوبہ سندھ میں 110720، خیبرپختونخوا میں 92535 اور بلوچستان میں 46481 پولیس اہلکار ڈیوٹی سرانجام دیں گے ۔پاک فوج اور قانون نافذ کرنے والے ادارے ووٹرز کو پرامن ماحول فراہم کرنے کیلئے پرعزم ہیں۔