انتخابات  2024 میں پوسٹل بیلٹ پیپرز جمع کرانے کا وقت رات 12 بجے ختم ہو جائے گا

الیکشن کمیشن کے مطابق عام انتخابات  2024 کے سلسلے میں پوسٹل بیلٹ پیپرزکے جمع کرانے کا وقت آج رات ختم ہوجائے گا۔

میڈیا ذرائع کا کہنا ہے کہ آج رات 12 تک آراوز کے پاس پہنچنے والے پوسٹل بیلٹ پیپرز گنتی میں شامل ہوسکیں گے، آج رات 12 کے بعد پہنچنے والے پوسٹل بیلٹ پیپرز کو گنتی میں شامل نہیں کیا جائیگا۔

ملک بھرسے قومی و صوبائی اسمبلیوں کےلئے 4 لاکھ 49 ہزار 287 پوسٹل بیلٹ پیپرز جاری کیے گئے ہیں۔ قومی اسمبلی کےلیے 2 لاکھ 6 ہزار533 پوسٹل بیلٹ پیپرز جاری ہوئے۔

میڈیا ذرائع کے مطابق ریٹرننگ افسران پوسٹل بیلٹ پیپرزکو حتمی نتیجہ کی تیاری کے وقت شامل کریں گے۔