پولنگ کل صبح 8 بجے سے شام 5 بجے تک جاری رہے گی ،الیکشن کمیشن

الیکشن کمیشن آف پاکستان کے مطابق  پولنگ کل صبح 8 بجے سے شام 5 بجے تک بغیر کسی وقفے کے جاری رہیں گے، الیکشن کمیشن کے مطابق تمام  تیاریاں مکمل ہیں۔

الیکشن کمیشن کے مطابق این اے 8، پی پی 266، پی کے 22، اور 91 میں امیدوار کی وفات کی وجہ سے ووٹنگ نہیں ہو گی، قومی اسمبلی کی 265 صوبائی اسمبلیوں کی 590 نشستوں پر پولنگ ہو گی، بلوچستان اسمبلی کی 51، کے پی اسمبلی کی 130 میں سے 128 جبکہ پنجاب اسمبلی کی 297 میں سے 296 اور سندھ اسمبلی کی 130 سیٹوں پر پولنگ ہو رہی ہے۔

#ECP pic.twitter.com/5nhMynmugY

— Election Commission of Pakistan (OFFICIAL)?? (@ECP_Pakistan) February 7, 2024

تفصیلات کے مطابق الیکشن کمیشن نے اپنے جاری کردہ بیان میں کہا کہ عام انتخابات 2024 کیلئے ووٹنگ کل ہو گی، پولنگ کل صبح 8 بجے سے شام 5 بجے تک بغیر کسی وقفے کے ہو گی ۔ 

ملک بھر کے قومی و صوبائی اسمبلیوں کے 855 حلقوں میں انتخابات ہونگے، قومی اسمبلی کے 1، کے پی کے 2 اور پنجاب اسمبلی کے 1 حلقے میں پولنگ نہیں ہو گی۔

الیکشن کمیشن کے مطابق ملک بھر میں 12 کروڑ 85 لاکھ 85 ہزار ووٹرز حق رائے دہی استعمال کریں گے، 6 کروڑ 63 ہزار 704 مرد، 5 کروڑ 93 لاکھ 22 ہزار 56 خواتین ووٹ کاسٹ کریں گے، الیکشن کمیشن نے 26 کروڑ خصوصی سیکیورٹی فیچرز والے واٹر مارکڈ بیلٹ پیپرز چھاپے ہیں، قومی و صوبائی اسمبلیوں کی 855 جنرل نشستوں پر 17 ہزار سے زائد امیدوار حصہ لے رہے ہیں۔