الیکشن کمیشن نے میڈیا نمائندگان کیلئے ضابطہ اخلاق جاری کر دیا

الیکشن کمیشن آف پاکستان کی جانب سے  صحافیوں ، و میڈیا کیلئے ضابطہ اخلاق جاری کر دیا۔

الیکشن کمیشن آف پاکستان کی جانب  سے ضابطہ اخلاق کے مطابق کوئی صحافی الیکشن کمیشن کی اجازت کے بغیر پولنگ عمل کی کوریج نہیں کرے گا، جاری کردہ ایکریڈیشن کارڈ کے بغیر کوریج نہیں کر سکے گا، ایکریڈیشن کارڈ ہولڈر کوریج کے دوران ایکریڈیشن کارڈ نمایاں جگہ پر آویزاں کرے۔

الیکشن کمیشن کے جاری کردہ ضابطہ اخلاق کے مطابق کوریج کے دوران میڈیا نمائندگان مکمل غیر جانبداری کا مظاہرہ کریں گے، میڈیا نمائندگان آئین قانون اور اخلاقی اقدار کی پاسداری کا مظاہرہ کریں گے، ضابطہ اخلاق کی خلاف ورزی پر الیکشن کمیشن ایکریڈیشن کارڈ منسوخ کر سکتا ہے، صحافی پولنگ اسٹاف سیکیورٹی اداروں کے طلب کرنے پر کارڈ دکھانے کا پابند ہو گا۔