این اے 53، سابق وزیر داخلہ چوہدری نثار ہار گئے

2024 کے عام انتخابات کے نتائج کا سلسلہ جاری ہے جس میں قومی اسمبلی کے حلقہ این اے 53 سے مسلم لیگ ن کے قمر الاسلام کامیاب قرار پائے جب کہ سابق وزیر داخلہ چوہدری نثار تیسرے نمبر پر رہے۔

این اے 53 راولپنڈی 2 کے تمام 329 پولنگ اسٹیشنز کے غیر سرکاری اور عارضی نتائج سامنے آگئے ہیں جس کے مطابق مسلم لیگ (ن) کے قمر الاسلام نے 72 ہزار 6 ووٹ حاصل کیے جب کہ ان کے مدمقابل آزاد امیدوار اعظم صابر 58 ہزار 476 ووٹ لے کر دوسرے نمبر پر رہے۔ جبکہ سابق وزیر داخلہ چوہدری نثار 44072 ووٹ لے کر تیسرے نمبر پر رہے۔