وزارت داخلہ نے انتخابی نتائج میں تاخیر کی وجہ بتا دی

وزارت داخلہ نے کہا ہے کہ متعلقہ ریٹرننگ افسروں کی جانب سے انتخابی نتائج میں تاخیرپرعوام اور میڈیا کے تحفظات کا جائزہ لیا گیا ہے۔

مواصلاتی رابطے کے فقدان کو اس تاخیر کی بڑی وجہ قرار دیا گیا ہے جو سکیورٹی کے جامع انتظامات کو یقینی بنانے کے لئے کئے گئے احتیاطی اقدامات کا نتیجہ تھا۔

انتخابی عملے اور ووٹرز کے تحفظ کو یقینی بنانے کے لئے جامع اقدامات میں نمایاں وقت صرف ہوا۔

صورتحال اب اطمینان بخش ہے اور انتخابی نتائج کے باقاعدگی سے اعلان کی توقع ہے .