نوا ز شریف نے سیاسی پارٹیوں سے مخلوط حکومت بنانے کا اعلان کر دیا

لاہور: پاکستان مسلم لیگ (ن) کے قائد نواز شریف نے انتخابات میں کامیاب ہونے والی سیاسی جماعتوں اور آزاد امیدواروں کو کہا ہے  کہ وہ ملک کو بحرانوں سے نکالنے کے لیے مل کر اگلی حکومت بنائیں۔

نواز شریف نے انکشاف کیا کہ انہوں نے شہباز شریف کو اس مقصد کے حصول کے لیے آصف علی زرداری، مولانا فضل الرحمان اور خالد مقبول صدیقی کے ساتھ بات چیت کرنے کا ٹاسک دیا ہے ۔ 

جمعہ کو ماڈل ٹاؤن میں پارٹی کے سیکرٹریٹ میں حامیوں سے خطاب کرتے ہوئے نواز شریف نے کہا کہ حالیہ انتخابات میں مسلم لیگ (ن) سب سے بڑی سیاسی جماعت بن کر ابھری ہے، تاہم انہوں نے تسلیم کیا کہ ان کے پاس آزادانہ طور پر حکومت بنانے کے لیے سادہ اکثریت نہیں ہے۔