بلاول بھٹو کے مینڈیٹ پر ڈاکہ ڈالا گیا ہے ،شیری رحمان

شیری رحمان نے کہا ہے کہ بلاول بھٹو کی کھلی لیڈ تھی، تمام میڈیا دکھا رہا تھا، لاہورمیں بلاول بھٹو کے ووٹ غائب کردیے گئے۔

شیری رحمان نے کہا کہ کل رات10بجے تک فارم 45 نہیں دیا گیا، ہم آر او آفس گئے اپنا چیف پولنگ ایجنٹ وہاں بٹھایا، ایسا نہیں ہوتا کہ ووٹ کا حق چھین لیا جائے، ہمارے 4،5 پنجاب سے متنازع نتائج آئے ہیں۔

شیری رحمان نے کہا کہ بلاول بھٹو کی کھلی لیڈ تھی، تمام میڈیا دکھا رہاتھا، ہم اداروں کا ہمیشہ احترام کرتے ہیں، نتائج ہم سے کیوں چھپائے جارہےہیں، 337پولنگ اسٹیشن کے نتائج ہمارے پاس تھے، 87باقی تھے کہاگیا باہر چلےجائیں۔

سینئررہنما نے کہا کہ ہماری پارٹی ملک میں انتشار نہیں چاہتی، گزارش ہے کہ ہمارے خدشات دور کردیں، بند کمروں میں سب کچھ ہوا ہے، ہارجیت تو انتخابی عمل کا حصہ ہوتا ہے، این اے127میں ایک نہیں بہت سارے کام ہوئے ہیں۔