عام انتخابات کے نتائج سپریم کورٹ میں چیلنج

پی ٹی آئی رہنما شیر افضل مروت نے سپریم کورٹ میں عام انتخابات کے نتائج کو انفرادی طور پر چیلنج کر دیا۔

درخواست میں سابق کمشنر راولپنڈی کے الزامات کی تحقیقات کے لئے بنی الیکشن کمیشن کمیٹی بھی چیلنج کی گئی ہے۔ اس کے علاوہ چیف الیکشن کمشنر اور ممبر الیکشن کمیشن کی تعیناتی کو بھی عدالت میں چیلنج کیا گیا ہے۔

آئینی درخواست میں عدالت سے استدعا کی گئی کہ چیف الیکشن کمشنر اور ممبران کی تعیناتی کالعدم قرار دی جائے،قومی اور صوبائی اسمبلیوں کے فارم 47 بھی کالعدم قرار دینے کی استدعا کی گئی۔

سپریم کورٹ میں دائر درخواست میں استدعا کی گئی کہ انتخابات میں دھاندلی کے الزامات کی انکوائری کےلئے وزارت داخلہ کو جوڈیشل کمیشن بنانے کا حکم دیا جائے۔درخواست میں وفاقی اور صوبائی حکومتوں کی تشکیل روکنے کی بھی استدعا کی گئی