شاہ سلمان ریلیف مرکزکے تحت گوادرمتاثرین کیلئے امدادی سامان روانہ

شاہ سلمان ہیومینٹیرین ایڈ اورپاکستان ریلیف مرکز کے زیر انتظام گوادر کے بارش متاثرین کی مدد کیلئے ہنگامی امدادی قافلہ تشکیل دیاگیا ہے ۔

اس امدادی اقدام کے تحت گوادر کے بارش سے متاثرہ علاقوں میں نوہزار اشیائے خوردونوش کے پیکیج اور نوہزار خیموں پرمشتمل پانچ کنٹینر اسلام آباد سے روانہ کئے گئے ہیں۔

یاد رہے کہ امدادی سامان روانہ کرنے کی تقریب آج صبح اسلام آباد میں ہوئی ۔

بلوچستان کے وزیراعلی سرفراز بگٹی اور سعودی عرب کے سفیر نواف بن سعید المالکی نے بھی  تقریب میں شرکت کی۔