کراچی کنگز نے لاہور قلندرز کو سنسنی خیز مقابلے کے بعد شکست دے دی

کراچی : کراچی کے نیشنل اسٹیڈیم میں کھیلے گئے میچ میں لاہور قلندرز کے 178رنز کا ہدف کراچی کنگز نے آخری گیند پر حاصل کیا۔

کراچی کنگ کے جیمز ونس نے 42، ٹم سیفرٹ 36، عرفان خان نیازی 35، شان مسعود 24 اور شعیب ملک نے 27 رنز اسکور کئے۔ جبکہ طیب عباس نے دو،شاہین آفریدی اور سکندر رضا نے ایک ایک وکٹ حاصل کی۔

اس سے قبل لاہور قلندرز نے پہلے کھیل کر 5 وکٹ پر 177 رنز اسکور کئے، فخرزمان نے 35 گیندوں پر 54 رنز کی اننگز کھیلی ، قلندرز کے عبداللہ شفیق نے 39 گیندوں پر 55 رنز بنائے، ڈیوڈ ویزا 24 اور سکندر رضا 22 رنز بناکر ناٹ آؤٹ رہے۔

شاہین آفریدی ایک، مرزا طاہر بیگ 5 اور شائی ہوپ 9 رنزبناکر آؤٹ ہوئے ، زاہد محمود نے 2، موزا ربانی اور انور علی نے ایک ایک وکٹ لی۔

کراچی کنگز نے لاہور قلندرز کے خلاف ٹاس جیت کرفیلڈنگ کا فیصلہ کیا تھا۔