چینی صدر کی آصف علی زرداری کو صدر پا کستان منتخب ہونے پر مبارکبا د

چینی صدر شی جن پنگ نے آصف علی زرداری کو پاکستان کا صدر منتخب ہونے پر مبارکباد دی ہے۔

اپنے پیغام میں شی جن پنگ نے کہا کہ چین اور پاکستان اچھے ہمسایہ ممالک ہیں اور  اچھے دوست،  اچھے شراکت دار اور اچھے بھائی ہیں۔

چینی صدرشی چن پنگ  نے کہا کہ دونوں ممالک نے چین پاکستان اقتصادی راہداری کی تعمیر میں نتیجہ خیز نتائج حاصل کیے ہیں اور دوطرفہ تعلقات کی اعلی سطح پر ترقی کو برقرار رکھا ہے۔

چینی صدر نے کہا کہ بیجنگ دونوں ممالک کے درمیان روایتی دوستی کو آگے بڑھانے کے لیے صدر زرداری کے ساتھ مل کر کام کرنے کے لیے تیار ہے۔