وزیراعظم پاکستان نے وفاقی کابینہ کی تشکیل کیلئے نام تجویز کردیئے

وزیراعظم پاکستان نے وفاقی کابینہ کی تشکیل کیلئے نام تجویز کردیئے، شہباز شریف نے وفاقی کابینہ تشکیل کےلئے نام صدر مملکت آصف علی زرداری کو بھجوا دیئے۔

وزیراعظم شہباز شریف نے 19 رکنی وفاقی کابینہ کی تقرری کیلئے نام صدر مملکت آصف علی زرداری کو بھجوا دیئے۔

کابینہ کےلئے خواجہ آصف، احسن اقبال اور رانا تنویر کے نام بطور وفاقی وزراء تجویز کئے گئے ہیں جبکہ اعظم نذیر تارڑ، چودھری سالک حسین اور عبدالعلیم خان کے نام بھی وفاقی کابینہ کیلئے تجویز کئے گئے ہیں۔

شہباز شریف کی جانب سے جام کمال، امیر مقام اور اویس لغاری کی بھی بطور وفاقی وزراء تقرری کی تجویز دی گئی ہے جبکہ محمد اورنگزیب، احد چیمہ اور محسن نقوی کو بھی وفاقی کابینہ میں شامل کرنے کی تجویز بھجوائی گئی ہے۔

اس کے علاوہ عطاتارڑ، خالد مقبول صدیقی، مصدق ملک، اسحاق ڈار، شزا فاطمہ خواجہ، قیصر شیخ اور ریاض پیرزادہ کے نام بھی کابینہ کے لیے تجویز کئے گئے ہیں۔