پنجاب حکومت کا جون سے پلاسٹک بیگز کے استعمال پر پابندی لگانے کا فیصلہ

پنجاب حکومت نے فضائی آلودگی کا سبب 6جون سے پلاسٹک بیگز کے استعمال پر پابندی لگانے کا فیصلہ کرلیا ۔

سینئروزیر مریم اورنگزیب کی زیرصدارت اجلاس میں بہتر ایئرکوالٹی انڈیکس کیلئے بھٹہ انڈسٹریل سسٹم ڈیجٹلائزڈ کرنے کا فیصلہ کیاگیا۔ مریم اورنگزیب نے کہا کہ انسداد سموگ کیلئے گراس روٹ لیول پر عملی طورپرسنجیدہ ہیں۔

اجلاس میں سینئر وزیر نے کہا کہ پنجاب میں ڈویژنل انڈسٹریل زونز میں مانیٹرنگ کیلئے 3 ماہ کی ٹائم لائن مقرر کردی۔6جون کو وزیراعلیٰ کے حکم پر پلاسٹک بیگز بین کر دیئے جائیں گے۔

سینئر وزیر کا مزید کہنا تھا کہ کوالٹی آف لائن پر فرد کاحق ہے۔فضائی آلودگی پھیلانے والوں کیخلاف کریک ڈاؤن ہوگا۔انسانی زندگیوں کے ساتھ کھیلنے والوں سے کوئی سمجھوتہ نہیں کیاجائے گا۔

اجلاس میں بھارت کے ساتھ کراس باڈر ون ٹو ون معاہدہ کرنے پراتفاق ہوا۔ انسداد سموگ سے متعلق آگاہی مہم کیلئے نئی ایپ متعارف کروائی جائے گی۔