عوامی مفاد کے ترقیاتی منصوبے مربوط انداز میں مکمل کئے جائیں گے،عبدالعلیم

نجکاری اور سرمایہ کاری بورڈ کے وفاقی وزیر عبدالعلیم خان نے کہا کہ عوامی مفاد کے تمام ترقیاتی منصوبے مربوط انداز میں مکمل کئے جائیں گے تاکہ منصوبوں میں پائیداری کو یقینی بنایا جاسکے۔

لاہور میں اپنے انتخابی حلقے میں ایک تقریب سے خطاب کرتے ہوئے وفاقی وزیر نے کہا سڑکوں کی تعمیر سے پہلے نکاسی اور دیگر ضروری کام مکمل کئے جائیں گے تاکہ قومی خزانے کی بچت کی جاسکے۔

عبدالعلیم خان نے کہا کہ قومی اسمبلی کے حلقہ این اے ایک سو سترہ میں مقیم رہائشیوں کو درپیش دیرینہ مسائل ترجیحی بنیادوں پر حل کئے جائیں گے۔