قرآن آئینے کی طرح شفاف ہے، ول اسمتھ

ہالی ووڈ اسٹار ول اسمتھ نے حیران کن انکشاف کرتے ہوئے بتایا کہ انہوں نے رمضان کے مہینےمیں پورا قرآن پڑھا تھا، قرآن آئینے کی طرح شفاف ہے۔

ہالی ووڈ فلم سٹار ول سمتھ نے پوڈ کاسٹ ’’ بگ ٹائم‘‘ میں گفتگو کے دوران سعودی عرب کے ساتھ اپنے تعلقات سے آگاہ کیا۔ انہوں نے کہا کہ اس مرتبہ میں نے تیسری مرتبہ سعودی عرب کا دورہ کیا ہے۔ مجھے سعودی عرب سے محبت ہے اور اس کے ساتھ میرا گہرا تعلق ہے۔ مجھے سعودی عرب میں زندگی گزارنا پسند ہے، میرا تعلق صحرائی ثقافت سے ہے۔ میں سعودی عرب کے ہر دورے پر فیصلہ کرتا ہوں کہ یہ ملک پہلے سے بھی بہتر ہے۔

ایک سوال کے جواب میں انہوں نے کہا کہ میں روحانیت سے محبت کرتا ہوں، میری زندگی کے پچھلے دو سال مشکل تھے۔ اس دوران انہوں نے اپنے باطن کے بارے میں سوچنا شروع کیا۔انہوں نے نشاندہی کی کہ اس عرصے میں انہوں نے قرآن پاک سمیت تمام مقدس کتابیں پڑھیں۔ میں نے اس سال رمضان کے مہینے میں قرآن کو مکمل طور پڑھا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by MBC Masr (@mbcmasrtv)

انہوں نے مزید کہا کہ یہ میری زندگی میں روحانیت کی تلاش تھی۔ یہ میری زندگی کا وہ دور تھا جب میں اپنے دل کو زیادہ سے زیادہ وسعت دینا چاہتا تھا تاکہ میں زیادہ سے زیادہ لوگوں پر مشتمل ہو سکوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by MBC Masr (@mbcmasrtv)

جب ان سے پوچھا گیا کہ انہوں نے پورا قرآن پڑھنے سے کیا دریافت کیا تو ہالی ووڈ اسٹار نے انکشاف کیا کہ قرآن میں حضرت موسیٰ (علیہ السلام) کا جتنی بار تذکرہ ہوا ہے اس سے وہ حیران رہ گئے۔ یہ دلچسپ بات ہے۔مجھے اس کی کہانی اور تجربے نے بہت متاثر کیا۔

انہوں نے مزید کہا کہ میں سادگی سے متاثر ہوا۔ قرآن سادہ ہے اور اس میں چیزیں شیشے کی طرح بالکل واضح ہیں۔ اسے پڑھنے کے بعد کوئی غلط فہمی نہیں رہتی۔ ایسے لوگ ہیں جو اسے غلط سمجھتے ہیں تو انہوں نے کہا کہ قرآن کو گہرائی سے پڑھیں تو غلط فہمیاں دور ہوجاتی ہیں۔

ول اسمتھ نے تمام مقدس آسمانی کتابوں کے مطالعےکا حوالہ دیا۔ انہوں نے کہا کہ سب کچھ تورات، بائبل اور قرآن تک ایک کہانی کی طرح لگتا ہے۔ ان کے درمیان تعلق نہیں ٹوٹا۔

انہوں نے کہا کہ ابراہیم علیہ السلام انبیاء کے والد ہیں۔ ان کی نسل سے اسماعیل اور اسحاق (علیہما السلام) آئے۔ وہ اس سلسلہ نبوت کی پوری تصویر سمجھ کر خوش ہوا۔