وزیر اعظم نے وفاقی کابینہ کا اجلاس آج طلب کر لیا

وزیر اعظم میاں شہباز شریف نے وفاقی کابینہ کا اجلاس آج طلب کر لیا، اجلاس کا ایجنڈا بھی جاری کر دیا گیا ہے۔

وفاقی کابینہ کا اجلاس آج صبح 11 بجے وزیر اعظم ہاؤس میں ہو گا،اجلاس میں ملکی معاشی اور سکیورٹی مسائل سمیت خطے کی صورتحال پر بریفنگ دی جائے گی، آئی ایم ایف کیساتھ مذاکرات پر کابینہ ارکان کو اعتماد میں لیا جائے گا۔

وفاقی کابینہ کے اجلاس میں ملکی معاشی اور سکیورٹی صورتحال پر غور کیا جائے گا جبکہ خطے کی صورتحال پر بریفنگ بھی دی جائے گی، اس کے علاوہ اجلاس میں ای سی سی کے فیصلوں کی توثیق کی جائے گی۔