خیبرپختونخوا میں سینیٹ کی نشستوں پر انتخابات کے لیے اسکروٹنی کا عمل مکمل

خیبرپختونخوا میں سینیٹ کی 7 جنرل نشستوں، 2 خواتین اور 2 ٹیکنوکریٹ نشستوں پر انتخابات کے لیے اسکروٹنی کا عمل مکمل ہونے کے بعد فہرست جاری کردی گئی ہے۔

خیبرپختونخوا میں سینیٹ انتخابات کے لیے مراد سعید، اعظم سواتی اور خرم زیشان کے کاغذات مسترد کردئیے گئے ہیں۔ فیصل جاوید، نورالحق قادری اور اظہر مشوانی کے کاغذات منظور ہوگئے۔ 

جنرل نشستوں پر 25 امیدواروں نے کاغذات جمع کئے تھے جس میں سے 16 امیدواروں کے کاغذات منظور کرلئے گئے ہیں جبکہ 9 امیدواروں کے کاغذات مسترد کردئیے گئے ہیں۔جن افراد کے کاغذات مسترد کیے گئے ان میں مراد سعید، خرم زیشان، سابق وزیر اعلی محمود خان بھی شامل ہیں

جبکہ  فیصل جاوید، مرزا آفریدی، اظہر مشوانی، نورالحق قادری، دلاور خان، عرفان سلیم اور فدا محمد کے کاغذات منظور کئے گئے ہیں اس کے علاوہ ،طلحہ محمود،، نیاز محمد، محمد وقار اورکزئی، فضل حنان، فیض الرحمان، عطاالحق،  شفقت ایاز، آصف رفیق، تاج محمد آفریدی کے نام شامل ہیں۔

الیکشن کمیشن کی حتمی لسٹ کے مطابق کے پی کے سے سینیٹ الیکشن کے لیے خواتین کی 2 نشستوں پر 6 امیدوار میدان میں ہیں، جن میں مہوش علی خان، عائشہ بانو، روبینہ ناز، بیگم طاہرہ بخاری، روبینہ خالد اور شازیہ شامل ہیں۔ ٹیکنو کریٹ کی 2 نشستوں کے لیے بھی 8 امیدوار میدان میں ہیں، جن میں سید ارشاد حسین، قاضی محمد،خالد محسود، فضل حنان، بلاول خان، قیصرخان، نورالحق قادری شامل ہیں۔

الیکشن کمیشن نے سندھ میں 34 امیدواروں کے کاغذات نامزدگی کی منظوری دے دی، پیپلز پارٹی کے 17، ایم کیو ایم اور پی ٹی آئی کے 8، 8 امیدوار شامل ہیں، فیصل واوڈا کے آزاد امیدوار کی حیثیت سے کاغذات منظور، ایم کیو ایم کے نجیب ہارون کے کاغذات نامزدگی مسترد کر دیئے۔

بلوچستان میں 28 امیدواروں کے کاغذات نامزدگی منظور کر لیے گئے جبکہ 10 کے مسترد ہو گئے ہیں، سیدال خان ناصر، مصلح الدین، بلال مندو خیل، عطا الرحمان اور دیگر کے کاغذات مسترد کیے گئے۔