مسیحی برادری نے قیام پاکستان میں اہم کردار ادا کیا، وزیر اطلاعات

اطلاعات و نشریات کے وزیر عطا اللہ تارڑ نے کہاہے کہ مسیحی برادری نے قیام پاکستان میں اہم کردار ادا کیا ہے۔

انہوں نے آج (اتوار) لاہور میں مسیحی تہوار ایسٹر کے حوالے سے ایک تقریب سے خطاب کرتے ہوئے کہاکہ ملک کی سلامتی اور بقاء میں مسیحی برادری کی خدمات ناقابل فراموش ہیں۔انہوں نے کہا کہ آئین پاکستان ملک میں مسیحی برادری سمیت تمام مذہبی اقلیتوں کو مساوی حقوق فراہم کرتا ہے۔