یوم شہادت حضرت علی کرم اللہ وجہہ ملک بھر میں عقیدت و احترام سے منایا جا رہا ہے

لاہور: لاہور سمیت آج ملک بھر میں 21 رمضان یوم شہادت حضرت علی کرم اللہ وجہہ عقیدت و احترام سے منایا رہا ہے۔

یوم علی کرم اللہ وجہہ کی مناسبت سے ملک بھر میں مجالس اور جلوس نکالے اپنے مقررہ راستوں پر گامزن ہیں جہاں سکیورٹی اہلکار ڈیوٹی پر تعینات کھڑے ہیں۔

لاہور داتا دربار آئی ہسپتال، ڈپٹی کمشنر آفس کی پارکنگ اور گریٹر اقبال پارک میں بھی جلوس میں شرکت کے لئے آنے والے گاڑیاں پارک کر سکیں گے جلوس  کربلا گامے شاہ پر اختتام پذیر ہو گا۔

شرکا کو واک تھرو گیٹس، میٹل ڈیٹیکٹرز سے جلوس میں شامل ہونے کی اجازت دی جارہی ہے، سی سی ٹی وی کیمروں سے تمام راستوں کی مانیٹرنگ کی جا رہی ہے۔

کراچی میں بھی جلوس کی گزرگاہوں کو کنٹینر رکھ کر بند کر دیا گیا ہے، جلوس ایم اے جناح روڈ، ریگل چوک، پریڈی سٹریٹ سے گزر کر شام 7 بجے حسینیہ ایرانیاں کھارادر پر اختتام پذیر ہوگا۔