پانچ چینی باشندوں کے تابوتوں پر پھول رکھنے کی تقریب نور خان ائیربیس پر منعقد

بشام واقعہ میں ہلاک ہونے والے پانچ چینی باشندوں کے تابوتوں پر پھول رکھنے کی تقریب نور خان ائربیس پر منعقد ہوئی۔

پانچ چینی باشندوں کے تابوتوں پر پھول صدر وزیراعظم جائنٹ چیفس آف سٹاف کمیٹی کے چیئرمین بری فوج اور فضائیہ کے سربراہوں کی جانب سے رکھے گئے۔ہلاک ہونے والوں کی یاد میں تیس سکینڈ کی خاموشی بھی اختیار کی گئی۔

حکومت نے ایک بیان میں بشام دہشتگرد حملے کی ایک مرتبہ پھر شدید مذمت کی ہے اور دہشتگردوں اور ان کے سہولت کاروں کو انصاف کے کٹہرے میں لانے کا عزم ظاہر کیا ہے۔