ایک ہی دن میں جرائم کی 375 وارداتوں سے لاہور کے شہری پریشان

لاہور:ایک ہی دن میں جرائم کی 375 وارداتوں نے شہریوں کو پریشان کر دیا۔

رپورٹ کے مطابق لاہور میں ایک ہی دن میں جرائم کی 375 وارداتیں ہوئیں، جس میں ڈاکوؤں نے مختلف مقامات سے 18 افراد سے لاکھوں روپے اور موبائل فونز چھین لیے۔

ان واقعات میں 19 شہری موبائل فون سے محروم ہو گئے جبکہ مختلف علاقوں میں 13 گھروں میں ڈکیتی کی وارداتیں ہوئیں۔

رواں سال لاہور میں موٹرسائیکل اور گاڑیوں کی چوری یا چھیننے کے تقریباً 5 ہزار 500 واقعات رپورٹ ہوئے ہیں۔

سال 2023 کے پہلے تین ماہ میں موٹر سائیکلوں اور گاڑیوں کی چوری یا چھیننے کے 6 ہزار 435 واقعات ہوئے۔