حج کیلئے تربیت کا دوسرا مرحلہ 15 اپریل سے شروع کیا جائے گا

اسلام آباد : حج تربیت کا دوسرا مرحلہ رواں ماہ کی پندرہ تاریخ سے شروع ہو گا۔

وزارت مذہبی امور اور بین المذاہب ہم آہنگی کے مطابق پاکستان بھر میں 122 مقامات پر چالیس تربیت کار نئے حج اقدامات اور حج سے متعلق امور پر تربیت دیں گے۔

تمام عازمین حج کو مناسک حج اور انتظامی امور نظم وضبط برقرار رکھنے اور عبادت کے دوران مساوات کے حوالے سے تمام معلومات کی فراہمی یقینی بنائی جائیں گی۔

یاد رہے کہ حکومتی حکامات کے مطابق حج کیمپوں میں تمام عازمین حج کیلئے حج فلائٹس شروع ہونے سے دس دن قبل تک ویکسی نیشن کروانا لازمی ہے۔