چاند دیکھنے کیلئے مرکزی رویت ہلال کمیٹی کا اجلا س 9 اپریل کو ہوگا

اسلام آباد: پاکستان  بھر میں عید الفطر کی تیاری زور و شور سے جاری ہیں اور شوال کا چاند دیکھنے کے لیے مرکزی رویت ہلال کمیٹی کا اجلاس منگل (9 اپریل) کو طلب کر لیا گیا ہے۔

مرکزی رویت ہلال کمیٹی کا اجلاس 9 اپریل کو وزارت مذہبی امور اسلام آباد میں چئیرمین کمیٹی مولانا عبدالخبیر آزاد کی سربراہی میں ہوگا جہاں شوال کا چاند دیکھنے کی شہادتیں وصول کی جائیں گی۔

اسی طرح ذونل رویت ہلال کمیٹیوں کے اجلاس بھی مقررہ مقامات پر ہوں گے تاہم چیئرمین مرکزی رویت ہلال کمیٹی مولانا عبدالخبیر آزاد شوال کا چاند نظر آنے یہ نہ آنے کا اعلان کریں گے۔