نواز شریف پیر کو 5 روزہ دورے پر چین روانہ ہوں گے

پاکستان مسلم لیگ (ن) کے قائد اور سابق وزیراعظم نواز شریف پیر کو 5 روزہ دورے پر چین روانہ ہوں گے۔

سابق وزیراعظم نواز شریف دورہ چین کے دوران نجی اور سیاسی ملاقاتیں کریں گے۔ وہ کمیونسٹ پارٹی کے رہنماؤں سے ملاقاتیں بھی کریں گے۔ نواز شریف کے قریبی دوست بھی ان کے ہمراہ ہوں گے۔

ذرائع نے بتایا کہ وزیرخارجہ اسحاق ڈار بھی میاں نواز شریف کے ہمراہ ہوں گے۔

دوسری جانب پارٹی کی سینئر قیادت نے نواز شریف کو دوبارہ پارٹی کی قیادت سنبھالنے کا مشورہ دے دیا۔ پارٹی کی تنظیم نو کے بعد نواز شریف پارٹی کی قیادت سنبھالیں گے اور مسلم لیگ ن کے قائد پارٹی کی آئندہ کی حکمت عملی طے کریں گے۔