عمران خان کی بچوں سے ٹیلی فون پر بات نہ کرانے کی درخواست پر فیصلہ محفوظ

راولپنڈی کی انسداد دہشت گردی عدالت نے بانی چیئرمین پی ٹی آئی عمران خان کو بچوں سے ٹیلی فون پر بات کرنے کی اجازت نہ دینے کی درخواست پر فیصلہ محفوظ کر لیا۔

پی ٹی آئی کے بانی عمران خان کی درخواست پر ان کی جانب سے ایڈووکیٹ محمد فیصل ملک عدالت میں پیش ہوئے۔

سماعت کے دوران اڈیالہ جیل انتظامیہ نے اپنا جواب عدالت میں جمع کرا دیا۔

دوسری طرف بانی پی ٹی آئی عمران خان نے بشریٰ بی بی سے ہفتہ وار ملاقات کی درخواست دائر کردی ہے جب کہ سابق وزیراعظم نے بشریٰ بی بی کے خون کے ٹیسٹ شوکت خانم اسپتال میں کرانے کی بھی درخواست کی ہے۔

بعد ازاں عدالت نے سابق وزیراعظم عمران خان کی بچوں سے ٹیلی فون پر بات نہ کرنے کی درخواست پر فیصلہ محفوظ کرلیا۔