پاکستان میں روسی کورونا ویکسین کے استعمال کی منظوری

تفصیلات  کے مطابق  حکومت نے روسی ویکسین ' اسپٹنک فائیو ' کی بھی ہنگامی حالات میں استعمال کی اجازت دے دی ہے، روسی ویکسین کے استعمال کی اجازت ڈرگ ریگولیٹری اتھارٹی آف پاکستان کے رجسٹریشن بورڈ کی جانب سے دی گئی ہے۔ ویکسین منگوانے کی اجازت مقامی دوا ساز کمپنی  اے جی پی فارما سیوٹیکل کمپنی لمیٹڈ کو دی گئی ہے۔ حکام کا کہنا ہے کہ ویکسین کی پہلی کھیپ  دو ہفتوں تک پاکستان پہنچنے کا امکان ہے ، روسی ویکسین کو منفی18 ڈگری پر اسٹور کرنا لازمی قرار دیا گیا ہے۔ پاکستان میں اب تک مختلف ممالک کی تین ویکسینز کے استعمال کی  منظوری دی جاچکی دی ہے جن میں چین کی سرکاری کمپنی سائنو فارم کی ویکسین، برطانوی کمپنی ایسٹرا زینیکا کی ویکسین اوراب  روسی ویکسین اسپٹنک  شامل ہیں۔

اسپٹنک  -5 کی ویب سائٹ پر موجود  معلومات کے مطابق روسی ویکسین  دنیا کی پہلی رجسٹرڈ ویکسین ہے جو ایک بہتر مطالعہ شدہ انسانی اڈینووائرل ویکٹر پر مبنی پلیٹ فام پر مبنی ہے،یہ عالمی ادارہ صحت کی فہرست میں ان دس امیدوار ویکسین میں شامل ہے جس کے کلینکل ٹرائلز اختتام کے قریب اور بڑے پیمانے پر پیداوارکا آغاز ہونے والا ہے۔ روس میں جاری اسپٹنک  فائیوکے بعد از رجسٹریشن کلینکل ٹرائل میں 40 ہزار رضاکاروں نے حصہ لیا ہے ، مزید براں متحدہ عرب امارات ، بھارت، وینزویلا اور بیلاروس میں بھی  اسپٹنک  5 کے کلینکل ٹرائل کا اعلان کیا گیا تھا۔ابتدائی ٹرائلز سے جمع کیے گئےنتائج کے مطابق  یہ ویکسین کورونا کیلئے 91.4 فیصد تک موثر ہے۔ اس ویکسین  کی دستیابی کیلئےدنیا بھر کے 50ممالک کی جانب سے   1.2 بلین خوراکوں  کی درخواست آچکی ہے۔ عالمی منڈی  میں ویکسین کی فراہمی کیلئے  بھارت ، برازیل ، چین ، جنوبی کوریا اور دیگر ممالک شراکت دار ہوں گے ۔

خیال  رہے کہ عالمی ادارہ صحت کے مطابق دنیا بھر میں اس وقت کورونا وائرس کے خلاف کامیاب ویکسین تیار کرنے کے لیے 200سے زیادہ مقامات پر کوششیں جاری ہیں ۔

واضح رہے کہ دنیا بھر میں کورونا وائرس سے 9 کروڑ93 لاکھ افراد متاثر جبکہ  21لاکھ 30ہزار سے زائد اموات ہوچکی ہے ۔