فیصل آباد میں 13سالہ بچی سے اجتماعی زیادتی ،مقدمہ درج

تفصیلات کے مطابق  13 سالہ  بچی کچھ روز قبل کو چالڈ پروٹیکشن بیورو کی ٹیم کو ملی تھی، جس کے بعد بچی کو ٹیم نے دارالامان منتقل کیا  جہاں اس کا  میڈیکل کروایا گیا ۔ میڈیکل رپورٹ میں  بچی سے زیادتی ثابت ہوگئی ہے۔ میڈیکل رپورٹ کے مطابق    13 سالہ بچی 12 ہفتوں کی حاملہ  ہے ۔  متاثرہ بچی  کاکہنا ہے کہ نامعلوم افراد نے  مجھے قبضہ میں رکھا اوراجتماعی زیادتی  کا نشانہ بنایا۔ بچی اپنے اہلِ خانہ کے بارے میں جانتی ہے نہ ہی اپنا اصل نام بتا سکتی ہے۔پولیس نے تھانہ جھمرہ میں نامعلوم ملزمان  کے خلاف مقدمہ درج کر لیا ہے ۔

گزشتہ ہفتے بھی  قصور میں ایک 10 سالہ بچے کے ساتھ زیادتی  اور قتل نے   پولیس کی جانب سے مقدمات  کے درج کرنے اور  بچوں سے زیادتی  کرنے والوں   کی گرفتاری میں ناکامی پر سوالات اٹھائے تھے۔

15 دسمبر 2020 کو انسداد عصمت دری آرڈیننس جاری ہونے  کے باوجود ہر دوسرے دن  بچوں کے ساتھ زیادتی کے متعدد واقعات سامنے آرہے ہیں ۔