پی آئی اے کا سعودی عرب کیلئے کرایوں میں 30 فیصد کمی کا اعلان

پی آئی اے نے سعودی عرب جانے والے مسافروں کو خوشخبری سنا دی، کرایوں میں 30 فیصد کمی کا اعلان کر دیا۔

ترجمان پی آئی اے کا کہنا تھا کہ پاکستان سے ریاض، دمام، القسیم جانے والے مسافر اس اسکیم سے استفادہ کرسکیں گے۔

پی آئی ا ے کے اعلامیہ کے مطابق سعودی عرب کے ان شہروں میں جانے والے مسافر 10 جون سے 18جون تک رعایتی ٹکٹ کی سہولت حاصل کر سکیں گے۔

دوسری جانب گزشتہ روز پاکستان انٹرنیشنل ایئرلائن کی نج کاری کے معاملے پر وفاقی وزیر عبدالعلیم خان نے اہم ہدایت دے دی ہیں، وزیر نج کاری عبدالعلیم خان کی زیر صدارت نج کاری کمیشن بورڈ کا اجلاس ہوا۔

اجلاس کے اعلامیے کے مطابق پی آئی ا ے کی نج کاری کے لئے 6 کمپنیوں اور کنسورشیمز کو پری کوالیفائی کرلیا گیا ہے، وزیر نجکاری کا کہنا تھا کہ خسارے میں چلنے والے تمام اداروں کی شفاف اور تیز نج کاری یقینی بنائیں گے۔