عدت نکاح کیس: بشریٰ بی بی نے سزا معطلی کی درخواست دائر کر دی

بانی پی ٹی آئی عمران خان کی اہلیہ بشریٰ بی بی نےاسلام آبادہائی کوٹ میں عدت کیس میں سزا معطلی کی درخواست دائر کردی۔

عدت کیس عمران خان کی اہلیہ بشریٰ بی بی نے بیرسٹر سلمان صفدر کے ذریعے اسلام آباد ہائیکورٹ میں سزا معطلی کی درخواست دائر کی ہے۔

بانی پی ٹی آئی کی اہلیہ کی طرف  سے دائر درخواست میں کہا گیا ہےکہ  کمزور شواہد عدالت میں پیش کیے، ان شواہد کی بنیاد پر سزا نہیں سنائی جاسکتی تھی، ٹرائل کورٹ کی طرف سے دی گئی سزا برقرار نہیں رہ سکتی۔

درخواست میں کہا گیا ہےکہ بشریٰ بی بی کو سیاسی انتقام کا نشانہ بنانےجا رہا ہے ۔ جیل میں بہت بڑے حالات میں رکھا گیا ہے، انصاف کے  لیے ضروری ہےکہ سزا معطلی کی درخواست جلد نمٹائی جائے۔

واضح رہے کہ 3 فروری کو سول کورٹ نے بشریٰ بی بی کو اس کیس میں 7 سال قیدکی سزاسنائی تھی۔

اسلام آباد ہائیکورٹ نے بانی پی ٹی آئی عمران خان اور بشریٰ بی بی کے خلاف عدالت میں نکاح کیس دوسری عدالت ٹرانسفر کرنے کی درخواست منظور کرلی ہے اور کیس اینڈ سیشن جج شاہ رخ ارجمند سے ایڈیشنل ڈسٹرکٹ اینڈ سیشن جج محمد افضل مجوکاکی عدالت کو ٹرانسفرکردیا۔