چینی سرمایہ کاروں کو پاکستان میں سازگار ماحول فراہم کریں گے ، وزیر نجکاری

سرمایہ کاری بورڈ مواصلات اور نجکاری کے وزیر عبدالعلیم خان نے چینی سرمایہ کاروں کو یقین دہانی کرائی ہے کہ انہیں پاکستان میں سرمایہ کاری کیلئے سازگار ماحول فراہم کیا جائیگا۔

بیجنگ میں چین کے زیڈ کے ہوارائی  گروپ کے اجلاس سے خطاب کرتے ہوئے وفاقی وزیر نے کہا کہ پڑوسی ملکوں کی حیثیت سے خطے میں پاکستان اور چین کے درمیان تجارتی تعلقات انتہائی اہمیت کے حامل ہیں جس کے دونوں ملکوں پر مثبت اثرات مرتب ہوئے ہیں۔

اجلاس میں فیصلہ کیا گیا کہ چینی کمپنیاں پاکستان میں مصنوعی ذہانت، ٹیکنالوجی، جدید زراعت، صحت لاجسٹکس اور بنیادی ڈھانچے کے شعبوں میں سرمایہ کاری کریںگی۔