سونے کی فی تولہ قیمتوں میں اضافہ

سونے کی قیمتوں میں بین الاقوامی اور مقامی سطح پر اضافہ ہو گیا۔

مقامی سطح پر سونے کی فی تولہ قیمت میں 800 روپے کا اضافہ ہوگیا اور نئی قیمت 2 لاکھ 42 ہزار 300 روپے فی تولہ ہو گئی جب کہ فی 10 گرام سونے کی قیمت میں 686 روپے کا اضافہ ہونے سے نئی قیمت 2 لاکھ 7 ہزار 733 روپے کی سطح پر آ گئی۔

دوسری جانب عالمی مارکیٹ میں سونے کی فی اونس قیمت 21 ڈالر بڑھ گئی، جس کے بعد نئی عالمی قیمت 2 ہزار 345 ڈالر فی اونس کی سطح پر آ گئی ہے۔

یاد رہے کہ سونے کی بین الاقوامی  اور مقامی مارکیٹوں میں قیمتوں میں استحکام رہا تھا۔